Стаўка рэфінансавання зніжаная да 10,5% гадавых

Пастанова была прынятая на пасяджэнні ўправы Нацбанка.

Сёння Нацбанк знізіў стаўку рэфінансавання. Яна зменшылася на 0,5 п.п. да 10,5% гадавых. Пастанова была прынятая на пасяджэнні ўправы рэгулятара ў канцы студзеня, паведамляе belmarket.by.

Таксама з 14 лютага зніжаныя стаўкі стала даступных двухбаковых аперацый падтрымкі ліквіднасці на 0,25 п.п да 11,75% гадавых. Стаўкі стала даступных аперацый вымання ліквіднасці не змяніліся. Яны складаюць 8% гадавых.

Не выключана, што сённяшняе зніжэнне стаўкі з'яўляецца апошнім у годзе. Прадстаўнікі Нацбанка ў больш ранніх выступах вызначалі ніжнюю мяжу значэння стаўкі паводле выніку года 9,5-10,5%.