Мост праз Прыпяць можа абрынуцца ў кожную хвілю

Мост у Жыткавіцкім раёне далей разбураецца.

У панядзелак, 12 лютага выратавальнікам ад працаўнікоў РУП «Гомельаўтадар» паступіла паведамленне аб пашкоджанні канструкцый жалезабетоннага аўтамабільнага моста праз раку Прыпяць на трасе Р-88 каля вёскі Боркі Жыткавіцкага раёна Гомельскай вобласці.

«А 16:08 тое, што адбылося класіфікавана як надзвычайная сітуацыя «Раскіданне элементаў транспартных камунікацый», - паведамілі Progomel.by у МНС.

У разліках вылічана, што напружанне ў напружаных пучках надпорных зон апор №13 і №14 перавышаюць дапушчальныя нормамі межы на 60% і складае 1.700 Мпа.

Арматура пучкоў знаходзіцца на мяжы разрыву і пры ўсялякіх вонкавых уздзеяннях, уключаючы тэмпературныя, магчымае абрынанне пралёту.

Нагадаем, аўтамабільны рух мостам на аўтадарозе Р-88 Жыткавічы - Тураў - Давыд-Гарадок - Мяжа Украіны быў закрыты ў снежні праз з'яўлення на адным з ягоных пралётаў расколіны. Пасля паблізу моста на рацэ была арганізаваная пантонная пераправа, якая, аднак, перастала працаваць у студзені праз крыгаход.

«1 сакавіка павінна запрацаваць паромная пераправа. Пазней рэчку перакінуць у іншае рэчышча, пралётная канструкцыя аварыйнага моста будзе цалкам разбірацца і замяняцца на металічную пралётную канструкцыю. Задача стаіць да 1 студзені 2019 года пусціць па мосце рух», - распавядаў раней генеральны дырэктар ААТ «Мостабуд» Сяргей Вашкевіч.

Асновы прыпяцкага моста застануцца, яны ўбітыя ў дно палямі на глыбіню некалькіх шматпавярховых дамоў - канструкцыя больш чым трывалая. А вось каробкі, якія трэснулі на цэнтральным стыку, заменяць на метал.

Пакуль жыхароў перавозяць з берага на бераг на катары.

Даўжыня Жыткавіцкага моста 1985 года пабудовы - 888,7 м, шырыня 10 метраў, вышыня 20,7 м. Усяго ў Беларусі мастоў, пабудаваных паводле праекту жыткавіцкага, пяць - у Гомелі, Бабруйску і Наваполацку. Спецыялісты адзначаюць, што пры іх абследаванні ва ўсіх канструкцыях былі выяўлены расколіны.