Борыс Джонсан: Пасля Brexit Лондан будзе каардынаваць сваю санкцыйную палітыку з ЕЗ

Вялікая Брытанія і ЕЗ прадаўжаюць супрацоўнічаць у замежнай палітыцы.

Вялікая Брытанія не збіраецца адыходзіць ад супрацоўніцтва з ЕЗ у такім важным пытанні, як міжнародныя санкцыі пасля Brexit.

Пра гэта заявіў кіраўнік МЗС Вялікай Брытаніі Борыс Джонсан у сваёй прамове «Шлях Brexit». Ягоны выступ размешчаны ў YouTube, паведамляе «Еўрапейская праўда».

«Для нас ёсць сэнс прадаўжаць цесна супрацоўнічаць з ЕЗ у плане замежнай палітыкі і палітыкі бяспекі. Было б нелагічна не абмяркоўваць такія пытанні, як супольныя санкцыі, улічваючы тое, што досвед Вялікай Брытаніі ляжыць у аснове больш чым паловы ўсіх спісаў санкцый ЕЗ».

Акрамя таго, Джонсан заявіў пра нязменную адданасць Брытаніі абароне Еўропы.

Як паведамлялася, кіраўнік МЗС Вялікай Брытаніі Борыс Джонсан перакананы, што выхад з ЕЗ з'яўляецца падставай для надзеі, а не для страху.

Выступ Джонсана стаў першым у серыі прамоваў «Шлях Brexit», з якімі выступяць прэм'ер Тэрэза Мэй і міністры.