Мільёны смартфонаў выкрылі ў таемным майнінгу крыптавалюты

Спецыялісты распавялі пра хакерскую кампанію, якая дазваляе выкарыстоўваць Android-гаджэты для гэтых мэтаў.

Шматлікія прылады ўразлівыя для ўзлому і схаванага майнінга крыптавалюты. Спецыялісты распавялі пра хакерскую кампанію, якая дазваляе выкарыстоўваць Android-гаджэты для гэтых мэтаў.

Эксперты Malwarebytes заявілі пра тое, што мільёны смартфонаў ва ўсім свеце выкарыстоўваюць для тайнага майнінга крыптавалюты. Яны таксама адзначылі, што існуе хакерская кампанія, якая выкарыстала гаджэты на Android для гэтых мэтаў. Пра гэта піша Malwarebytes Labs.

Паведамляецца, што заражаныя дадаткі, якія ўтрымліваюць шкоднасныя коды, адпраўлялі карыстальнікаў на спецыяльныя сайты, якія праз браўзэр майнілі крыптавалюту.

Пры гэтым на сайце карыстальніку паказваецца банэр, які абвінавачвае яго ў «падазронай» актыўнасці ў інтэрнэце. У выніку працэсар прылады цалкам загружаны майнінгам, дзякуючы чаму ён тармозіць і грэецца.

Усталяваць дакладную колькасць ахвяр не ўяўляецца магчымым. Аднак, на думку экспэртаў, яна вылічаецца мільёнамі.

Каб засцерагчы сябе, экспэрты раяць выкарыстоўваць спецыяльныя вэб-фільтры і праграмнае забеспячэнне, якое адказвае за бяспеку. Таксама быў апублікаваны поўны спіс шкоднасных сайтаў.