Заўтра пацяплее да +2°С
2- 15.02.2018, 17:46
- 10,400
Прагноз надвор'я на найбліжэйшыя тры дні.
16 лютага надвор'е Беларусі, у асноўным, будзе вызначаць вобласць паніжанага атмасфернага ціску, сфармаваная ў вільготнай паветранай масе, паведамляе pogoda.by.
Чакаецца воблачна з прасвятленнямі. Уначы ў асобных раёнах, удзень на значнай частцы тэрыторыі невялікі снег. Раніцай і ўдзень месцамі слабыя туман і галалёд. На асобных адцінках дарог галалёдзіца. Вецер паўднёвы, слабы да сярэдняга. Тэмпература паветра ў начныя і ранішнія гадзіны панізіцца да -4..-10°С, у другой палове дня падвысіцца да -4..+2°С. Атмасферны ціск будзе падаць.
17-18 лютага надвор'е будуць вызначаць атмасферныя франты і больш цёплыя паветраныя масы, якія паступаюць з акваторыі Балтыйскага мора. На большай частцы тэрыторыі пройдзе кароткачасовы снег, мокры снег. У асобных раёнах чакаецца туман, слабы галалёд, на дарогах галалёдзіца. Вецер заходняй чвэрці сярэдні, 18 лютага ўдзень парывісты. Тэмпература паветра мінімальная ўначы -1..-7° С, максімальная ўдзень -3..+3°С.