Замест тысяч крокаў: занятак, які прынясе вам карысць

Не варта праходзіць па 8 кіламетраў на дзень, каб выглядаць добра, усё значна прасцей.

У многіх на смартфонах устаноўленыя дастасаванні, якія бяруць карані ў Японіі і вымяраюць колькасць крокаў. Перад Алімпійскімі гульнямі ў Токіё ў 1964 годзе пачалася рэклама прыбора Manpo-Kei - аднаго з першых у свеце шагамераў, створанага маладым навукоўцам, доктарам Іасіра Хатана, паведамляе Радио Максимум.

Лекар быў шчыра занепакоены тым, што ягоныя суайчыннікі хутка пераймалі ў амерыканцаў шкодныя звычкі і маларухомы лад жыцця.

Тады Хатана вызначыў, што калі зможа пераканаць сваіх суайчыннікаў больш рухацца і павялічыць колькасць пройдзеных за дзень крокаў са звычайных 4000 да 10000, яны штодня будуць дадаткова спальваць амаль 500 кілакалорый, што дапаможа ім захоўваць здаровую вагу. Так ён пачаў рэкламаваць прыладу для падліку крокаў, і ён здабыў нябачаны поспех не толькі ў Японіі, але і ва ўсім свеце.

Нядаўна навукоўцы з University of Sheffield наважыліся праверыць эфектыўнасць праграмы 10000 крокаў і параўнаць яе з іншым планам фізічнай актыўнасці для - Active 10, згодна з якім, неабходна цягам дня тройчы ісці хуткім крокам не менш за 10 хвілін, крокі пры гэтым лічыць не трэба.

Навукоўцы падзялілі добраахвотнікаў на дзве групы - у першай добраахвотнікі павінны былі рабіць 10000 крокаў на дзень, у другі - тры падыходы ў адпаведнасці з праграмай Active 10.

Удзельнікі эксперыменту з першай групы праходзілі блізу 8 кіламетраў, а добраахвотнікі з другой групы праходзілі за дзень дзесьці 2,5 км (прыкладна 3000 крокаў). Тэмп хады паводле праграмы Active 10 пры гэтым вызначалі наступным чынам: ісці трэба так хутка, каб можна было размаўляць, але немагчыма было спяваць на хаду.

Выявілася, што 10 000 крокаў за дзень маглі прайсці толькі двое з валанцёраў. А ўдзельнікі з другой групы збіраліся і разам выходзілі на кароткія энэргічныя 10-хвілінныя шпацыры цягам працоўнага дня. З іх слоў, задача была вельмі простай і не патрабавала ад іх ніякіх намаганняў над сабой.

Паказанні датчыкаў, якія насілі на сабе добраахвотнікі падчас эксперыменту, паказалі цікавыя вынікі: у групе Active 10 агульны аб'ём высокай і сярэдняй фізічнай нагрузкі выявіўся на 30% большым, чым у групе «10000 крокаў». Удзельнікі эксперыменту з групы Active 10 агулам рухаліся менш, чым добраахвотнікі з групы «10 000 крокаў», але затое ў іх мацней паскараўся пульс, і яны адчувалі рэальную нагрузку.