Макрон вяртае прызыў у войска Францыі
3- 18.02.2018, 10:59
- 12,230
Гэта было адным з перадвыбарных абяцанняў палітыка.
Эмануэль Макрон патлумачыў, што ён хацеў бы «даць усім маладзёнам наўпроставы досвед працы з войскам і яго патрабаваннямі». Падчас кампаніі будучы прэзідэнт Францыі сцвярджаў, што гэта абудзіць у маладых французаў пачуццё патрыятызму і сацыяльнай салідарнасці, паведамляе gazeta.pl (пераклад - nn.by).
Плануецца, што абавязковая вайсковая служба будзе доўжыцца ад трох да шасці месяцаў. Калі закон увойдзе ў дзеянне, кожны год ад 600 да 800 тысяч французаў будуць праходзіць вайсковую службу.
Пастанова Эмануэля Макрона выклікала раскол у французскім урадзе, аднак прэзідэнт Францыі не мае намеру адмаўляцца ад свайго перадвыбарчага абяцання. Падрабязная інфармацыя пра пастанову будзе пададзеная ў красавіку. Абавязковая вайсковая служба будзе адноўленая з 2019 года.
Эмануэль Макрон - першы сучасны прэзідэнт Францыі, які не мае вайсковай падрыхтоўкі. Калі ён дасягнуў адпаведнага ўзросту, у Францыі не было абавязковай вайсковай службы.