Выбары ў Італіі: перамогу прагназуюць кааліцыі Берлусконі і папулістам
2- 18.02.2018, 19:09
- 9,546
Апублікаваныя звесткі апошняга сацыялагічнага апытання.
Правы блок на чале з партыяй былога прэм'ер-міністра Італіі Сільвіё Берлусконі лідзіруе ў перадвыбарнай гонцы, але не атрымае дастаткова галасоў для абсалютнай большасці.
Пра гэта сведчаць вынікі апытання YouTrend, паведамляе eurointegration.com са спасылкай на The Local.
Кааліцыя, у склад якой уваходзіць партыя Сільвіё Берлусконі Forza Italia, і дзве вельмі правыя партыі, атрымаюць 37,2% галасоў.
Але новы закон пра выбары, уведзены ў 2017 годзе, азначае, што гэтая лічба ўсё яшчэ недастатковыя для фармавання парламенцкай большасці.
У рамках кааліцыі, правацэнтрысцкая Forza Italia, як чакаецца, атрымае 16,8% галасоў. Антыміграцыйная «Ліга Поўначы» - 13,2%, і вельмі правыя «Браты Італіі» - 4,7%.
Папулісцкі рух «5 зорак» (M5S), як чакаецца, атрымае 27,8% галасоў. Ён набярэ больш за ўсё галасоў, калі лічыць партыі паасобна, але таксама не зможа самастойна сфармаваць урад.
Левацэнтрысцкая кааліцыя, у склад якой уваходзіць кіруючая Дэмакратычная партыя, атрымае 27,4% галасоў.
Гэта апошняе сацыялагічнае апытанне, якое было апублікаванае да галасавання 4 сакавіка. Паводле італьянскага заканадаўства, публікаваць вынікі за два тыдні да выбараў забаронена.