У Саудаўскай Арабіі жанчынам дазволілі мець уласны бізнэс
1- 19.02.2018, 10:19
- 6,403
Саудыткі могуць цяпер адкрываць фірмы без згоды мужа.
Жанчыны, якія з'яўляюцца падданымі Саудаўскай Арабіі, змогуць адкрываць уласны бізнэс без згоды мужа.
Пра гэта ў нядзелю, 18 лютага, паведаміла прэс-служба Міністэрства камерцыі і інвестыцый каралеўства, піша «Эспрэса».
Як адзначаецца, раней на гэта патрабавалася згода так званага апекуна. За «апекуна» жанчын у Саудаўскай Арабіі ўважаўся муж, бацька альбо брат.
«З гэтага часу жанчыны могуць адкрываць свой бізнэс і карыстацца дзяржаўнымі электроннымі паслугамі без падачы довадаў аб згодзе свайго апекуна», - гаворыцца ў паведамленні ўстановы.