ЗША і Ізраіль паспяхова выпрабавалі сістэму СРА
- 19.02.2018, 12:42
- 7,436
Далёкасць палёту ракеты Arrow-3 складае да 2 000 кіламетраў.
Вайскоўцы ЗША ды Ізраіля правялі паспяховае выпрабаванне сістэмы супрацьракетнай абароны Arrow-3, якая прызначаная для перахопу балістычных ракет у космасе. Пра гэта паведамляе Міністэрства абароны Ізраілю ў Twitter.
«Сёння Міністэрства абароны Ізраілю і Міністэрства абароны ЗША паспяхова закончылі лётнае выпрабаванне сістэмы СРА Arrow-3, прызначанай для абароны ад пагроз балістычных ракет па-за атмасферай. Выпрабаванні праводзіліся на палігоне ў цэнтральнай частцы Ізраіля», - гаворыцца ў паведамленні.
Today, the Ministry of Defense and the US MDA successfully completed a flight test of the Arrow-3 Weapons System that is designed to defend against ballistic missile threats outside the atmosphere. The test was conducted at a test site in central Israel.
— Ministry of Defense (@Israel_MOD) 19 февраля 2018 г.
Паводле звестак СМІ, далёкасць палёту ракеты комплексу Arrow-3 - да 2 000 кіламетраў, вышыня - да 100 км. Комплекс складаецца з РЛС Super Green Pine, баявой аперацыйнай сістэмы Citron Tree і цэнтра кіравання пускам ракет Hazlenut Tree. Arrow-3 распрацоўвалі ў Ізраілі пры дапамозе амерыканскага канцэрна Boeing.
Раней паведамлялася, што ЗША правялі выпрабаванні новай гіпергукавай зброі, якая можа быць выкарыстаная для нанясення няядзерных удараў па кожным пункце планеты цягам гадзіны.