20 красавiка 2018, Пятніца, 4:24
Рубрыкі

У справе Мархалюка правераныя больш за пяць тысяч чалавек

8
МАКСІМ МАРХАЛЮК

Пошукі зніклага ў Белавежскай пушчы хлопчыка прадаўжаюцца.

«Паводле крымінальнай справы праводзяцца адпаведныя мерапрыемствы, не такія маштабныя, як раней, але мы спадзяемся на вынік. Працуе спецыяльная група, куды ўваходзяць следчыя і супрацоўнікі міліцыі», - кажа першы намеснік начальніка УУС Гарадзенскага аблвыканкама Аляксандр Шастайла. Версіі дзве - няшчасны выпадак і крымінальная, піша onliner.by.

У рамках крымінальнай правераныя больш за пяць тысяч чалавек. У першую чаргу раней судзімыя, у тым ліку якія ўчынялі злачынствы на сексуальнай глебе, а потым і ўсе, хто знаходзіўся ў гэты час у месцы згубы дзіцяці. Ужываўся паліграф.

Не пацвердзілася версія аб дарожна-транспартным здарэнні.

Устаноўлена, што ніхто са сваякоў не замешаны ў знікненні Максіма Мархалюка. Раз на месяц праводзяцца нарады, дзе падводзяцца вынікі працы.

Некрымінальная версія прадаўжае быць асноўнай. Даследаваная значная частка цяжкадаступных месцаў, напрыклад балоты.

- Але тут нашы магчымасці абмежаваныя. Дабрацца да дна ў кожным вадаёме не ўяўляецца магчымым. Актыўна дапамагалі экстрасэнсы, але іх довады не вартыя ўвагі. Пасля ўзаемадзеяння з праваахоўнымі органамі сумежных дзяржаў адсеялася здагадка, што хлопчыка павезлі за мяжу, - кажа Шастайла.

Калі памяняецца надвор'е, усё прадоўжыцца ў больш актыўным ключы.

- Усе мы спадзяемся, што здолеем атрымаць інфармацыю, якая дазволіць праліць святло на знікненне Максіма Мархалюка. Выратавальная, а потым і пошукавая аперацыя стала адной з самых маштабных і рэзанансных за апошнія гады, застаецца атрымаць вынік.