Беларусь пачала «цукровую вайну» з Расеяй

Сітуацыя з цукрам у краіне застаецца напружанай.

Як адзначаў кіраўнік «Белдзяржхарчпрама», праз наплыў на беларускую тэрыторыю расейскай прадукцыі, беларускія прадпрыемствы аказаліся ў нявыгадным становішчы. Складскія запасы айчыннага цукру сталі расці. У студзені Міністэрства антыманапольнага рэгулявання і гандлю прыняло пастанову аб рэгуляванні цэн на цукар з 17 студзеня да 16 красавіка ўключна. У гэты перыяд нельга прадаваць цукар ніжэй за 1,5 рубля за кілаграм, паведамляе «Онлайнер».

Пастанову №60, якая рэгулюе кошты на цукар, выклікала вельмі шмат пытанняў да гандлю. Праз месяц міністэрства патлумачыла некаторыя нюансы.

Такім чынам, што ў гэты перыяд нельга рабіць гандлю? Забаронена прадаваць цукар ніжэй гранічных мінімальных адпускных і раздробных цэн. Гэта значыць, што ў раздробным гандлі цукар не можа каштаваць ніжэй за 1,5 рубля, а адпускная цана яго без ПДВ не павінна быць вышэйшай за 1,19 рубля.

МАРГ абмяжоўвае і мінімальныя гандлёвыя надбаўкі (з улікам аптовай надбаўкі) да 15%. Але Пастанова №60 не распаўсюджваецца на цукар у дробнай фасоўцы 20 грамаў і менш. Пры гэтым на цукар скасоўваюцца зніжкі і акцыі.

- Ужыванне цэн на цукар белы крышталічны (далей - цукар) з улікам зніжак (у рамках распрацаванага Парадку, акцыйныя распродажы, дысконтныя карты, карты лаяльнасці і т. д.) ніжэй гранічных мінімальных адпускных і раздробных цэн, устаноўленых Пастановай №60, не дапускаецца, - паведамляе МАРГ. - Акрамя гэтага, не дапускаецца бязвыплатная перадача цукру ў выглядзе падарункаў.