100 гадоў таму быў сфармаваны першы ўрад БНР
- 20.02.2018, 10:11
- 9,971
20 лютага 1918 года Народны Сакратарыят БНР абвясціў сябе вярхоўнай уладай у Беларусі.
20 лютага 1918 года пасля адступлення з Менска бальшавіцкіх войскаў Выканаўчы камітэт Рады Ўсебеларускага з’езду сфармаваў першы Беларускі ўрад - Народны Сакратарыят, паведамляе сайт Рады БНР.
Сакратарыят абвясціў сябе вярхоўнай уладай у краі да “склікання на дэмакратычных асновах Устаноўчага Сходу Беларусі”.
У кастрычніку 1918 Народны Сакратарыят быў перайменаваны ў Раду Народных Міністраў БНР і ў наступным быў вядомы як Урад БНР. Сёння функцыі Ўраду БНР у выгнанні выконвае Прэзідыум Рады БНР.
Спачатку ва ўрад на чале зь Язэпам Варонкам уваходзілі 7 чалавек, але пасля іх колькасць была даведзеная да 15-ці.
Паводле ўспамінаў Кастуся Езавітава, склад першага ўраду БНР быў наступны:
Язэп Варонка — старшыня і народны сакратар (міністр) міжнародных спраў,
Іван Макрэяў — народны сакратар унутраных спраў,
Аркадзь Смоліч — народны сакратар асветы,
Яўхім Бялевіч — народны сакратар справядлівасці,
Янка Серада— народны сакратар народнай гаспадаркі,
В. Рэдзька — народны сакратар шляхоў зносін,
Тамаш Грыб — народны сакратар земляробства,
Палута Бадунова — народны сакратар апекі,
А. Карач — народны сакратар пошты і тэлеграфу,
Пётра Крэчэўскі — народны сакратар кантролю,
Гелі Белкінд — народны сакратар фінансаў,
Павал Злобін — сакратар расейскіх спраў,
Майсей Гутман — «першы таварыш» (першы намесьнік) старшыні і сакратар габрэйскіх справаў,
Канстантын Езавітаў — «другі таварыш» старшыні і народны сакратар вайсковых справаў,
Лявон Заяц — загадчык справаў Народнага Сакратарыяту.