Кампанія «сяброў Пуціна» была пастаўшчыком амбасады Лондана ў Маскве

Фірма Concord Catering трапіла ў абвінаваўчы спіс спецпракурора ЗША Робэрта Мюлера.

"Брытанскае пасольства ў Маскве карысталася паслугамі расейскай кейтэрынгавай кампаніі, якая ў рамках абвінаваўчага акту, пададзенага ў мінулую пятніцу спецпракурорам Робэртам Мюлерам, абвінавачаная ў змове ў сувязі са сцвярджэннямі аб ўмяшанні ў выбары 2016 года ў ЗША", - піша журналіст Buzzfeed Альбэрта Нардэлі (пераклад - inopressa.ru).

"Як выснавала Buzzfeed News, кампанія Concord Catering, якая базуецца ў Санкт-Пецярбургу і Маскве, была адным з пастаўшчыкоў дыпламатычнага прадстаўніцтва Вялікабрытаніі ў расейскай сталіцы да снежня 2013 году; супрацоўніцтва скончылася ўсяго за некалькі месяцаў да меркаванага пачатку аперацый, накіраваных на ўмяшальніцтва ў палітычную сістэму ЗША. Пасля таго як кантракт з кейтэрынгавай кампаніяй скончыўся, пасольства арганізавала канкурэнтны тэндар, і Concord Catering наважыла ў ім не ўдзельнічаць", - гаворыцца ў артыкуле.

Выданне сцвярджае, што лагатып амбасады заставаўся ў спісе кліентаў на сайце кампаніі да лістапада 2017 года. "Яго прыбралі тры месяцы таму на просьбу МЗС Вялікабрытаніі - і толькі пасля звароту Buzzfeed News да брытанскай амбасады з пытаннем аб дачыненнях амбасадай з Concord. У лістападзе, а затым у мінулую нядзелю МЗС пацвердзіла, што пасольства ў Маскве было ў кантрактных стасунках з кейтэрынгавай кампаніяй да канца 2013 года, але адмовілася даць афіцыйны каментар для гэтага артыкула", - гаворыцца ў артыкуле.

"Concord Catering не адказала на просьбу аб каментарах", - піша выданне.