Парашэнка падпісаў закон пра рэінтэграцыю Данбаса
16- 20.02.2018, 19:26
- 19,108
Украіна афіцыйна прызнала Расею дзяржавай-агрэсарам.
Прэзідэнт Украіны Пятро Парашэнка падпісаў закон пра рэінтэграцыю Данбаса.
Са слоў Парашэнкі, Украіна застаецца адданай мірнаму ўрэгуляванню сітуацыі на ўсходзе Украіны.
Кіраўнік украінскай дзяржавы падкрэсліў, што закон з'яўляецца рамачным і патрабуе далейшага заканадаўчага забеспячэння.
Сьогодні, як я і обіцяв, підписую Закон про реінтеграцію Донбасу, який жодною буквою не порушує міжнародних зобов’язань України, включаючи Мінські домовленості pic.twitter.com/ZvCdVKnPtF
— Петро Порошенко (@poroshenko) 20 февраля 2018 г.
У тэксце закона гаворыцца пра незаконнасць дзеянняў узброеных сіл Расеі і іншых узброеных фармаванняў, а любы выдадзены ў сувязі з такой дзейнасцю акт з'яўляецца несапраўдным і не стварае прававых наступстваў.
Згодна з дакументам, Расея прызнаецца краінай-агрэсарам, а гэта значыць, што адказнасць за парушэнне правоў і свабод чалавека на акупаваных тэрыторыях Украіна ўскладае на краіну-агрэсара, гэта значыць на Расейскую Федэрацыю.