Біл Гейтс сыграе самога сябе ў «Тэорыі вялікага выбуху»

Бізнэсовец ненадоўга з'явіцца ў чарговым эпізодзе папулярнага серыяла.

Сузаснавальнік Microsoft Біл Гейтс выканае ролю самога сябе ў камедыйным серыяле «Тэорыя вялікага выбуху». Бізнэсовец ненадоўга з'явіцца ў чарговым эпізодзе, паведамляе CNN.

Гісторыя будзе разгортвацца вакол Гейтса, які на экране застанецца ўсё тым жа паспяховым у бізнэсе мільярдэрам, а Пеніі і яе сябры зробяць усё магчымае, каб пагутарыць з ім.

У «Тэорыі вялікага выбуху» зоркі навуковага небасхілу з'яўляюцца рэгулярна: у свой час у шоў засвяціліся астранаўт Баз Олдрын, Стывен Хокінг, Ілон Маск і Стыў Вазняк. Для Біла Гейтса, у сваю чаргу, роля таксама не стане першай. Напрыклад, у 2001 годзе ён засвяціўся ў серыяле «Фрэйзер».

Серыял «Тэорыя вялікага выбуху» знаходзіцца ў эфіры з 2007 года, цяпер ідзе трансляцыя 11-га эпізоду, запланаваны наступны.