Борыс Джонсан назваў бязладдзем сітуацыю з Brexit
1- 21.02.2018, 11:59
- 7,733
Кіраўнік МЗС Вялікай Брытаніі заклікаў нямецкіх чыноўнікаў ператварыць Brexit у эканамічную магчымасць.
Пра гэта піша «Евпопейская правда» са спасылкай на газету Telegraph.
Як адзначае выданне, гэта заява была зробленая на сустрэчы Борыса Джонсана з чыноўнікамі з Нямеччыны ў Берліне. Гутарка адбылася ў час адной з дзвюх паездак Джонсана ў Берлін. Адна з іх адбылася ў лістападзе 2016 года, другая - у красавіку 2017 года.
Відавочна, кіраўнік брытанскага МЗС, які вёў актыўную кампанію за выхад Брытаніі з ЕЗ, хутчэй за ўсё казаў пра складаныя перамовы аб Brexit і не меў на ўвазе пастанову краіны выйсці са складу ЕЗ.
Падчас сустрэчы Джонсан таксама заклікаў нямецкіх чыноўнікаў ператварыць Brexit у эканамічную магчымасць.