Яцэк Чапутовіч: Cітуацыя ва Украіне важная для бяспекі Польшчы

Польшча надае вялікае значэнне захаванню прынцыпу суверэнітэту і тэрытарыяльнай цэласнасці.

Польшча выступае за разгортванне міратворчай місіі ААН на Данбасе, бо гэта важна для яе ўласнай бяспекі. Пра гэта падчас выступу на брыфінгу ў Радзе Бяспекі ААН, заявіў кіраўнік МЗС Польшчы Яцэк Чапутовіч, паведамляе segodnya.ua cо спасылкай на PAP.

У прамове пра Украіну пасля заканчэння міністэрскіх дэбатаў у Радзе Бяспекі ААН, Чапутовіч адзначыў, што было б добра, калі б ААН таксама ўдзельнічала ў развязанні канфлікту на Усходзе Украіны, накіраваўшы на гэты ўчастак міратворчыя сілы.

«У гэтым пытанні цяжка дасягнуць пагаднення, але праца прадаўжаецца... Польшча з'яўляецца адной з самых актыўных краін у гэтай галіне, таму што сітуацыя ва Украіне вельмі важная для бяспекі нашай краіны», - сказаў Чапутовіч.

Міністр адзначыў, што Польшча надае вялікае значэнне захаванню прынцыпу суверэнітэту і тэрытарыяльнай цэласнасці, успомніўшы аб дзеяннях Расеі за рамкамі прынцыпаў міжнароднага права, такіх як анэксія Крыма і падтрымка баевікоў на Данбасе.