Скардзіна пра «золата» Алімпіяды: Верыла, што калі-небудзь гэта здарыцца

Спартоўка распавяла, як шмат гадоў ішла да трыумфу.

Беларуская каманда ў біятлоне давяла сваю сілу на Алімпійскіх гульнях у Пхенчхане. Пра гэта заявіла БелТА алімпійская чэмпіёнка ў эстафеце Надзея Скардзіна.

У калекцыі Надзеі Скардзінай, адной з самых стабільных беларускіх біятланістак, раней быў бронзавы медаль Гульняў у Сочы-2014. На думку Надзі, залаты медаль Пхенчхана ў эстафеце - узнагарода за ўсе старанні.

- Шмат гадоў ішла да гэтага медаля. Марыла пра золата, верыла, што калі-небудзь гэта здарыцца. Перамога ў эстафеце сімвалічная і прыемная для ўсёй каманды. Беларуская каманда ў біятлоне давяла сваю сілу на Алімпійскіх гульнях у Пхенчхане. Апошнія тры гады былі няпростымі для нас, даводзілася шмат што мяняць, спрабаваць, каб у выніку давесці сілу нашай каманды, - сказала Надзея Скардзіна.

Яна таксама адзначыла, што гэты поспех усёй каманды, і трэнераў, і тэхнічнага персаналу.

- Асабліва радая за нашых маладых дзяўчынак - Іру Крыўко і Дынару Алімбекаву. Свае этапы яны правялі найбольш упэўнена, што і дазволіла нам перамагчы, - падкрэсліла біятланістка.