Ва Украіне афіцыйна апублікавалі закон аб вяртанні Данбаса
8- 23.02.2018, 11:12
- 13,691
Расея юрыдычна вызначаная як краіна-агрэсар і акупант.
Закон аб асаблівасцях дзяржаўнай палітыкі забеспячэння дзяржаўнага суверэнітэту на часова акупаваных тэрыторыях у Данецкай і Луганскай абласцях №2268-VIII, які ў СМІ называюць законам аб дэакупацыі і рэінтэграцыі Данбаса, сёння, 23 лютага, апублікаваны ў парламенцкай газеце «Голас Украіны».
Дакумент кваліфікуе Расею як краіну-агрэсара і юрыдычна вызначае, што менавіта РФ акупавала частку ўкраінскай тэрыторыі.
Таксама заканадаўчы акт істотна ўзмацняе прававую базу выкарыстання УСУ і іншых сілавых падраздзяленняў для супрацьстаяння расейскай агрэсіі.
Сьогодні у парламентській газеті "Голос України" опубліковано Закон України "Про особливості державної політики щодо забезпечення державного суверенітету України на тимчасово окупованих територіях в Донецькій і Луганській областях"➡️https://t.co/i2ko5bQiEZ pic.twitter.com/rVa6ricJCN
— Верховна Рада України (@verkhovna_rada) 23 февраля 2018 г.
Кіруе УСУ і іншымі вайсковымі фармаваннямі, якія прыцягваюцца да адбіцця агрэсіі РФ, камандзір Аб'яднанымі сіламі, якога прызначае прэзідэнт на прадстаўленне начальніка Генштаба.
Камандзір рэалізуе свае паўнамоцтвы праз Аб'яднаны аператыўны штаб, які плануе, арганізуе і кантралюе адлюстраванне агрэсіі РФ на тэрыторыі Данбаса.
Закон уваходзіць у дзеянне з дня, наступнага за днём яго апублікавання, гэта значыць 24 лютага 2018 года.
18 студзеня 2018 года Вярхоўная Рада прыняла закон аб дэакупацыі і рэінтэграцыі Данбаса. 20 лютага прэзідэнт Украіны Пятро Парашэнка падпісаў гэты дакумент.