З нафтаправода «Мазыр-Берасце» адбыўся выцек нафты
- 23.02.2018, 15:53
- 10,494
Прычыны здарэння высвятляюцца.
23 лютага аб 11:20 выратавальнікам паступіла паведамленне пра падзенне ціску ў магістральным нафтаправодзе «Мазыр-Берасце». А ў Іванаўскім раёне каля вёскі Старыя Клёнкі была выяўленая нафтавая пляма, паведамляе прэс-служба МНС.
Прыбыўшы на месца выкліку, супрацоўнікі МНС выявілі, што адбыўся разліў нафты на плошчы 30х120 м.
Работнікі ААТ «Гомельтранснафта Дружба» збіраюць нафту з паверхні зямлі. Пашкоджаны адрэзак адключылі. Перапампоўванне ажыццяўляецца па іншых нітках трубаправода.
Прычыны здарэння высвятляюцца.
