Мінюстыцыі прыпыніла працэс рэгістрацыі партыі БХД

Працэс рэгістрацыі прыпынены на месяц.

22 студзеня аргкамітэт для стварэння партыі «Беларуская хрысціянская дэмакратыя» адправіў у Міністэрства юстыцыі заяўку на рэгістрацыю, паведамляе сайт bchd.info са спасылкай на адказ з Мінюста.

Праз месяц міністэрства паведаміла: патрабуюцца дадатковыя дакументы для прыняцця пастановы.

Як паказана ў лісце за подпісам намесніка міністра Ігара Тушынскага, з гэтай прычыны міністэрства «прыпыняе дзяржаўную рэгістрацыю БХД на 1 месяц».

Аргкамітэт партыі мяркуе, што такая пастанова з'яўляецца незаконнай:

«Мінюстыцыі абавязанае выносіць сваю пастанову згодна з законам цягам месяца пасля падачы дакументаў аб рэгістрацыі палітычнай партыі - а значыць, цяпер».

Гэта ўжо сёмая спроба хрысціянскіх дэмакратаў зарэгістраваць партыю.