Еўрапейскі вяшчальны саюз дапусціў песню Alekseev да «Еўравізіі»

У фінале беларускага адбору ўкраінец выконваў зменены варыянт песні.

Еўрапейскі вяшчальны саюз правёў праверку трэка беларускага прадстаўніка на сёлетняй «Еўравізіі» Alekseev.

Паводле вынікаў экспертызы, песня дапускаецца да выканання на конкурсе. Больш за тое, спявак можа прэзентаваць арыгінальны варыянт кампазіцыі, пададзены ў пачатку студзеня, паведамляе «Еўрарадыё».

У фінале беларускага адбору Alekseev выконваў зменены варыянт песні. Ён выканаў рэкамендацыі беларускіх арганізатараў, бо да «Forever» былі пытанні: мелодыя кампазіцыі вельмі нагадвала выпушчаную раней песню «Навсегда».