Названыя найлепшыя фільмы пра спорт
2- 24.02.2018, 11:21
- 10,994
У рэйтынг трапілі 15 фільмаў.
Партал Vulture склаў спіс з 15 найлепшых спартовых фільмаў у гісторыі кінематографа, прысвечаных Алімпійскім гульням. Лідарам рэйтынгу стала стужка «Паляўнічы на ліс» Бэнэта Мілера, пішаlenat.ru.
Грунтаваная на рэальных падзеях стужка са Стывам Карэлам, Чэнінгам Татумам і Маркам Руфалам у галоўных ролях распавядае пра спартоўца, які рыхтуецца да гульняў у Сэуле 1988 года ў хораме эксцэнтрычнага мультымільянера. «Паляўнічы на ліс» выйшаў у 2014 годзе і быў намінаваны на «Оскар» у пяці катэгорыях.
На другім радку - «Аднойчы ў верасні» 1999 года з Майклам Дугласам. Стужка апавядае пра захоп ізраільскіх спартоўцаў у закладнікі бандай «Чорны верасень» у 1972 годзе на гульнях у Мюнхене. Трэцяе месца дасталася дакументальнаму фільму «Алімпія» немкі Лені Рыфеншталь. Чорна-белая стужка, якая выйшла ў 1938 годзе, апавядае аб гульнях, якія прайшлі ў Бэрліне ў 1936-м.
У першую дзясятку таксама ўвайшлі фільмы «Хуткі спуск», «Мюнхен», «Вогненныя калясніцы», «Алімпіяда ў Токіё», «Міраж на лёдзе», «Вачыма васьмі» і стужка 2017 года «Тоня супраць усіх». Заканчвае спіс камедыя «Лёзы славы» з Уілам Фэрэлам і Джонам Гідэрам.