Пошук працы пасля 50 гадоў

Шукаюць сем з дзесяці, знаходзяць - чацвёра.

Даследчы цэнтр tut.by правёў апытанне рэспандэнтаў старэйшых за 50 гадоў і высветліў, што больш за 73% сутыкаліся з пошукам працы ў гэтым веку. З іх больш за 60% не змаглі ўладкавацца на працу, знайшлі працу блізу 40% апытаных. У апытанні ўзялі ўдзел 689 чалавек.

Каб ўладкавацца на працу, кожнаму другому было патрэбнае ад месяца да паўгода, кожнаму трэцяму - месяц. Блізу 22% удзельнікаў даследавання знайшлі працу праз 7 і больш месяцаў.

Практычна кожны рэспандэнт старэйшы за 50 гадоў, які знаходзіцца ў пошуку, прэтэндаваў на пазіцыі спецыяліста або службоўца. Блізка што 31% апытаных таксама разглядаў прапановы для кіраўнікоў, 21% - вакансіі рабочых.

Век - асноўная прычына, на думку рэспандэнтаў, праз якую яны не могуць уладкавацца на працу. Яе адзначылі 71,5% апытаных старэйшых за 50 гадоў. Сярод іншых прычын: адсутнасць годных прапаноў (9,5%), непрыдатныя заробак (8,5%) і варункі працы (1,6%). У варыянце адказу «Іншыя» (8,9%) удзельнікі даследавання часцей за ўсё пазначалі: адмовы працадаўцаў без тлумачэння прычын, праблемы ў працаўладкаванні дзеля інваліднасці і абмежаванняў што да здароўя.

Практычна кожны апытаны перш за ўсё шукаў працу ў інтэрнэце, 63% рэспандэнтаў таксама звярталіся да дапамогі знаёмых. На аб'явы ў газэтах спадзяваліся блізу 33% удзельнікаў даследавання. Кожны пяты спрабаваў ўладкавацца на працу, звяртаючыся ў агенцтва.

Кожны другі адзначыў, што змог знайсці працу дзякуючы свайму досведу, уменням і прафесійнасці. Знаёмыя дапамаглі ўладкавацца кожнаму трэцяму ўдзельніку даследавання. Кожны пяты падчас пошуку працы рабіў стаўку на сваю ўпартасць і не змыліўся. Выпадак і фартуна сталі галоўнымі чыннікамі паспяховага працаўладкавання толькі для 6% апытаных.