Жыхары Лепеля штурмуюць касы аўтавакзала

Многія прыватнікі вымушаны прыпыніць рэйсы з невялікіх гарадоў у Менск.

З сённяшняга дня ўвайшлі ў дзеянне папраўкі ў закон «Аб аўтамабільных перавозках». Змены закранулі працу прыватных міжгародніх маршрутак, піша kp.by.

Рэч у тым, што да сённяшняга дня такі тып дзейнасці называўся «нерэгулярныя аўтамабільныя перавозкі пасажыраў». Паводле новага закону нерэгулярныя павінны стаць рэгулярнымі. А менавіта - перайсці на іншую схему працы: адпраўляцца з вакзала, ездзіць вызначаным маршрутам і спыняцца толькі на пэўных прыпынках, распрацаваць расклад, інтэрвалы руху транспартных сродкаў, колькасць выкананых рэйсаў паводле маршруту і іншае. А самае галоўнае - плаціць за паслугі аператара аўтамабільных перавозак і аўтавакзала. Аб зменах маршрутнікі ведалі даўно, але спадзяваліся, што да іх думку ўсё ж прыслухаюцца. Але гэтага не здарылася.

- З 26 лютага мы прыпынілі працу, - сказана на афіцыйным сайце перавозчыка «Полацкі экспрэс». Іх маршруткі хадзілі кожную гадзіну, пачынаючы з 6 раніцы і да 22 вечара, у Наваполацк і Полацк, праз Лепель і Бягомль – і назад.

Спынілі працу і яшчэ адная кампанія, якая працавала на полацкім кірунку:

- У сувязі з уваходжаннем у дзеянне змяненняў, унесеных у закон «Аб аўтамабільным транспарце і аўтамабільных перавозках», мы вымушаныя прыпыніць дзейнасць, - сказана на афіцыйным сайце кампаніі «Новы паварот». - Вельмі спадзяемся, што хутка ўсё стане на свае месцы. Выбачаемся.

Маршруткі гэтага перавозчыка таксама хадзілі паміж Менскам і Наваполацкім кожную гадзіну. Перастала ездзіць і кампанія «Паўночная Губерня». Такім чынам, на гэтым кірунку з 26 снежня зніклі цалкам усе прыватнікі. Застаюцца толькі дзяржаўныя аўтобусы.

Таксама прыпыніла сваю працу кампанія «Фаварыт 999» - яе маршруткі звязвалі Менск са Слуцкам. Пакуль працуе другая кампанія - «Экспрэс 777»:

- Пакуль ездзім нашым звычайным раскладам – з 6 раніцы да 9 вечара кожныя паўгадзіны, - распавялі ў дыспетчарскай.

На іншых кірунках касавання рэйсаў пакуль няма – а гэта блізу 60 кірункаў толькі з Менска.

«Паездка на 200 кіламетраў можа абярнуцца шасцю гадзінамі пакут з перасадкамі!»

- Я ўвесь час езджу «Полацкім экспрэсам» у вёску – яна паміж Лепелем і Полацкам, - распавёў адзін з пасажыраў. - Учора мне патэлефанаваў мэнэджар і сказаў, што яны спыняюць працу, і ў аўторак з'ехаць я не змагу. Я глядзеў іншыя варыянты. Цягніка два разы на дзень, прыходзяць у Полацк або а 9-й вечара, калі аўтобусы да мяне ў вёску ўжо не ходзяць, і дабірайся 30 кіламетраў як хочаш, або а 4.30 раніцы, калі найбліжэйшага аўтобуса чакаць яшчэ 2 гадзіны. Рэгулярныя перавозкі не лепш: таксама пара аўтобусаў, самы ранні а 8 раніцы – не паспяваю своечасова патрапіць на працу. І кошт: замест 7 рублёў цяпер я павінен буду заплаціць 13 рублёў - гэта значыць удвая больш! Але і гэта яшчэ не ўсё ў аўтобуса прыпынкі толькі ў Лепелі і Полацку, а мая вёска пасярэдзіне. На аўтавакзале кажуць, што ў іншых месцах - нават на афіцыйнай аўтобусным прыпынку на трасе - яны спыняцца не абавязаныя, і тут будзе ўсё залежаць ад асабістага жадання кіроўцы. То бок, мала таго, што замест трох гадзін я буду дабірацца чатыры, дык яшчэ і завесці мяне могуць ажно ў Полацк, адкуль аўтобус да мяне будзе толькі а 13.10, і ён ідзе 45 хвілін, гэта значыць замест трох гадзін мая паездка на 200 км да хаты можа абярнуцца шасцю гадзінамі пакут з перасадкамі!

«Каб з'ехаць у Менск, лепш прыходзіць на аўтастанцыю за паўтары гадзіны да адпраўлення»

- Стаю цяпер на аўтавакзале ў горадзе Лепель. Гэта нейкая вар'ятня, квіткі не прадаюць, людзі па 2 гадзіны ў чарзе стаяць! – пішуць у сацсетках відавочцы. - Проста не ведаю, як мне з'ехаць, ва ўніверсітэт жа патрапіць трэба!

- На сёння ёсць некалькі рэйсаў на Менск – апошні адпраўляецца з Лепеля а 15:20, - паведамілі нам у дыспетчарскай лепельскага аўтавакзала. Загадзя квіткі купіць нельга – усе аўтобусы, міжгароднія. Калі вы хочаце з'ехаць на 15:20 – лепш прыходзьце а 14:00, і тады зможаце купіць білет.

Што кажуць у міністэрстве транспарту?

- Калі сёння хто-небудзь хоча займацца рэгулярнымі перавозкамі, ён павінен гэта рабіць у адпаведнасці з законам, - цытуе намесніка міністра транспарту і камунікацый Аляксандра Шышко БелТА. - Перавозчыкі проста павінны ўкласці дамовы на рэгулярныя перавозкі на маршрутах, на якіх працуюць. У рэгулярных перавозчыкаў ёсць расклад руху, маршрут, у дамове адзначаны ўсе патрабаванні, якія трэба выконваць. Чаму некаторыя з іх не хочуць укладаць дамовы? Таму што жорсткія патрабаванні, якія тычацца ў тым ліку рэжыму працы і адпачынку кіроўцы, хуткаснага рэжыму.

Са слоў намесніка міністра, усё гэта робіцца для бяспекі пасажыраў.

3,5 тысячы чалавек падпісалі петыцыю за скасаванне новаўвядзенняў

У мінулую пятніцу на сайце petitions.by з'явілася петыцыя, аўтары якой заклікаюць улады ўнесці папраўкі ў закон «Аб аўтамабільных перавозках», якія не будуць перашкаджаць працы прыватным перавозчыкам. За выхадныя петыцыю падпісалі 3,1 тысячы чалавек. Усяго аўтары плануюць сабраць 4,5 тысячы подпісаў і 28 снежня адправіць дакумент у Мінтранс.