Лукашэнка прызначыў трох суддзяў Вярхоўнага суда

Дыктатар падпісаў адпаведны ўказ.

Лукашэнка 27 лютага падпісаў указ №88 «Аб прызначэнні і вызваленні суддзяў», паведамляе БелТА.

Суддзямі Вярхоўнага суда з наступным узгадненнем гэтага прызначэння з «саветам рэспублікі» «нацыянальнага сходу» прызначаныя Ігар Калеснік і Таццяна Мікаленка.

Канстанцін Харытанюк прызначаны суддзём Вярхоўнага суда бестэрмінова з наступным узгадненнем прызначэння з «саветам рэспублікі».

Старшынём Магілёўскага абласнога суда стаў Ігар Прашко, ягонай намесніцай - Святлана Бурак.

Указам таксама прызначаныя і вызваленыя ад займаных пасадаў суддзі і старшыні розных судоў у рэгіёнах Беларусі.