У ЗША зладзілі свята для палярных мядзведзяў

Мядзведзям зладзілі рыбалку ў адным з заапаркаў.

У заапарку штата Каліфорнія зладзілі свята палярнага мядзведзя - рэдкім жывёлінам дазволілі самім злавіць сабе ежу, піша segodnya.ua.

І хоць прыгажуны прывыклі жыць на ўсім гатовым - рыбу лавілі з задавальненнем. Палярныя мядзведзі - самыя вялікія на планеце наземныя драпежнікі. Аднак у дзікай прыродзе яны знікаюць. Прычына таму - глабальнае пацяпленне і раставанне снягоў.

Раней мы пісалі, што амерыканец Джым Кавальчык выратаваў параненае медзведзяня і выгадаваў яго ў сваім прытулку для дзікіх жывёл. З часам медзведзяня Джымба ператварылася ў 700-кілаграмовага волата. Цяпер Джымба жыве ў гадавальніку Orphaned Wildlife Center, які Джым арганізаваў у 2015 годзе разам са сваёй жонкай С’юзэн.