Парламент Каталоніі зноў разгледзіць пытанне пра незалежнасць

Прэзідыум парламента Каталоніі ўключыў у парадак дня пытанне пра зацвярджэнне дэкларацыі незалежнасці рэгіёна.

Пра гэта паведамляе eurointegration.com са спасылкай на газету El Mundo.

Ініцыятарам унясення ў парадак дня пытання пра зацвярджэнне новым складам парламента дэкларацыі незалежнасці Каталоніі ад 27 кастрычніка 2017 года выступіла левая партыя CUP.

За ўключэнне гэтай прапановы ў парадак дня галасавалі прадстаўнікі ўсіх партый, якія выступаюць за незалежнасць.

Прапанова CUP, якая мае ў парламенце 4 месцы з 135, будзе абмяркоўвацца ў якасці папраўкі да асноўнага дакументам, згодна з якім былы кіраўнік урада Каталоніі Карлес Пучдэмон, які знаходзіцца ў Брусэлі, зможа зноў выставіць сваю кандыдатуру на гэтую пасаду.

Раней Канстытуцыйны суд заявіў, што спыніць зацвярджэнне Пучдэмона на пасаду кіраўніка каталонскага ўрада, калі ён асабіста не з'явіцца ў рэгіянальным парламенце на пасяджэнні ў дні абмеркавання і галасавання. Папярэдне Пучдэмон павінен папрасіць дазвол у Вярхоўнага суда Гішпаніі, каб прыбыць у парламент.