Гільерма дэль Тора атрымаў прэмію Гільдыі рэжысёраў ЗША за «Форму вады»
- 4.02.2018, 14:14
- 8,301
ФОТА: GETTY IMAGES
Фільм «Форма вады» таксама з'яўляецца фаварытам прэміі «Оскар».
У Лос-Анджэлесе ўручылі прэміі Гільдыі рэжысёраў ЗША. Галоўную ўзнагароду здабыў Гільерма дэль Тора, пастаноўшчык карціны «Форма вады», паведамляе meduza.io.
Another win for Guillermo del Toro as he chases Best Director Oscar https://t.co/edAcgbdYtg pic.twitter.com/Q9IHu0DK0r
— Straits Times Life (@ST_LifeTweets) 4 февраля 2018 г.
На прэмію найлепшага рэжысёра таксама былі намінаваныя Марцін Макдонах («Тры білборды на мяжы Эбінга, Місуры»), Крыстафэр Нолан («Дзюнкерк»), Джоржан Піў («Прэч») і Грэта Гервіг («Лэдзі Берд»).
«Форма вады» - фаварыт прэміі «Оскар». Карціна Гільерма дэль Тора прэзентаваная ў 13 катэгорыях. Раней яна атрымала «Залатога льва» на Венецыянскім кінафестывалі, а дэль Тора здабыў «Залаты глобус» як найлепшы рэжысёр.
