Cлонімскія актывісты далучаюцца да святкавання 100-годдзя БНР

Беларусы рыхтуюцца годна адзначыць Дзень Волі.

Сябры Слонімскага аб'яднання дэмакратычных сіл далучаюцца да ўсіх беларусаў, якія 25 сакавіка будуць адзначаць 100-годдзе Беларускай Народнай Рэспублікі, паведамляе «Радыё Рацыя».

Да гэтага вялікага юбілею ў Слоніме сябры дэмакратычнай супольнасці плануюць правесці шэраг цікавых мерапрыемстваў. Сярод мерапрыемстваў будуць арганізаваныя лекцыі, сустрэчы з цікавымі людзьмі, прэзентацыі кніг у гісторыі Беларусі, флэшмобы, выставы, а таксама ўшанаванне памяці знакамітых слонімцаў.

Святкаванне 100-годдзя БНР падтрымалі ўсе прадстаўнікі дэмакратычных партый Слоніма, а таксама чальцы асобных грамадскіх арганізацый.