Лідарка дэмакратаў Кангрэсу ЗША выступала з прамовай восем гадзін

Гэта быў самы доўгі выступ за ўсю гісторыю Кангрэсу.

Нэнсі Пэласі такім чынам выказала пратэст супраць неразгледжанага пытання імігрантаў.

У Палаце прадстаўнікоў Кангрэсу ЗША лідарка дэмакратаў Нэнсі Пэласі на знак пратэсту выступала з прамовай цягам васьмі гадзін. Пра гэта паведамляе Fox News.

Гэта самы доўгі выступ за ўсю гісторыю Кангрэсу ЗША.

77-гадовая Пэласі пачала прамову пад 10:00 і закончыла пасля 18:00. Пры гэтым яна стаяла на абцасах і піла толькі ваду.

"Калі ты прамаўляеш, час ідзе хутчэй. Калі ты слухаеш, час ідзе даўжэй", - сказала кангрэсмэн.

На такі крок Пэласі пайшла на знак пратэсту супраць дамоўленасці аб бюджэце, у якую не ўключылі пытанні іміграцыі.

У Сэнаце ёсць практыка філібастэра - блакавання трыбуны шляхам вядзення доўгай прамовы. У 2013 годзе сэнатар Тэд Круз выступаў больш за 21 гадзіну.