Апублікаваны графік цэнтралізаванага тэставання ў Беларусі

ЦТ у гэтым годзе пачнецца 12 чэрвеня з экзамену ў беларускай мове.

Графік правядзення цэнтралізаванага тэставання вызначаны пастановай Міністэрства адукацыі Беларусі ад 25 студзеня 2018 года №5.

Дакумент афіцыйна апублікаваны 8 студзеня на Нацыянальным прававым інтэрнэт-партале, паведамляе агенцтва «Минск-Новости».

Згодна з пастановай, ЦТ у гэтым годзе пачнецца 12 чэрвеня з іспыту ў беларускай мове. Тэставанне ў іншых вучэбных прадметах пройдзе паводле наступнага графіку:

14 чэрвеня - расейская мова,

16 чэрвеня - грамадазнаўства,

18 чэрвеня - матэматыка,

20 чэрвеня - біялогія,

22 чэрвеня - замежныя мовы (ангельская, нямецкая, французская, гішпанская, кітайская),

24 чэрвеня - хімія,

26 чэрвеня - фізіка,

28 чэрвеня - гісторыя Беларусі,

30 чэрвеня - геаграфія.

2 ліпеня - сусветная гісторыя найноўшага часу.

Таксама вызначаны графік правядзення ЦТ у рэзервовыя дні, якое будзе арганізаванае ў Беларускім дзяржаўным універсітэце. На 6 і 10 ліпеня запланавана тэставанне ў грамадазнаўстве, матэматыцы, біялогіі, замежных мовах, хіміі, фізіцы, гісторыі Беларусі, геаграфіі, сусветнай гісторыі. Выпрабаванні ў беларускай і расейскай мовах пройдуць 6 і 8 ліпеня. Тэрміны рэгістрацыі абітурыентаў для праходжання ЦТ у рэзервовыя дні - з 30 чэрвеня да 3 ліпеня.

Час пачатку тэставання – аб 11:00 (у тым ліку ў рэзервовыя дні).