Відэафакт: У Кітаі вынайшлі плашч-невідзімку

Мантыя робіць нябачным абсалютна кожнага, хто яе надзене.

Казка стала рэальнасцю, дзякуючы распрацоўцы кітайскіх навукоўцаў, якая здзівіла ўвесь свет.

AdMe.ru знайшоў выйсце для тых людзей, хто заўсёды хацеў стаць нябачным.

Відэа, якое з'явілася ў кітайскай сацыяльнай сетцы Weibo, узрушыла ўвесь свет. За некалькі секунд персанаж у кадры становіцца нябачным. Мужчына спускаецца па лесвіцы ў лесе, разгортвае чароўны плашч і...умомант знікае.

Глядач упэўнены, што адбыўся каласальны прарыў у галіне фізікі. Але напраўду яшчэ ў 1967 годзе савецкі навуковец Віктар Георгіевіч Весялага апісаў уласцівасці «нябачных» матэрыялаў. Тканіна адлюстроўвае і ўзмацняе светлавыя прамяні, якія знаходзяцца на заднім плане, ствараючы адчуванне празрыстасці. Адлюстраванне хваляў «наладжанае» на пэўную далёкасць, таму прадметы, якія знаходзяцца побач, не бачныя. Ідэя была падхопленая фізікамі іншых краін. Механізм працы тканіны быў раскрыты, і навуковы свет на доўгія гады паглыбіўся ў вывучэнне спосабаў яе стварэння.

Хуткімі крокамі ў галіне навукі «нябачнасці» рухаецца прафесар Чжан Сян з Каліфарнійскага ўніверсітэта ў Берклі. Менавіта яму прыпісваюць заслугу ў стварэнні мантыі, на якую звярнуў увагу ўвесь свет.

Сучасныя стваральнікі сцвярджаюць, што плашч-невідзімка сшыты з празрыстай квантавай тканіны, здольнай адлюстроўваць светлавыя хвалі вакол чалавека, каб той мог знікнуць з поля зроку.

Намеснік начальніка Дэпартамента крымінальнага вышуку Кітая Чэнь Шык’ю падзяліўся ролікам у сацыяльных сетках і заявіў пра карысць вынаходкі для кітайскага войска. Тым часам шматлікія СМІ шукаюць довады, каб разбурыць магію знікнення.