Гусары прыедуць у Гародню, каб ушанаваць караля Рэчы Паспалітай
1- 9.02.2018, 11:04
- 11,220
Упершыню польскія гусары наведалі Гародню ў снежні 2016 года.
Дні Стэфана Баторыя пройдуць у Гародні 28 красавіка. Іх арганізатарамі выступаюць польская гусарская харугва, Гарадзенскі гісторычна-археалагічны музей, Генеральнае Консульства РП у Гародні, піша hrodna.life.
Як і ў мінулы раз, у Гародні цягам дня каля Новага замка будуць паказы і баі. Таксама гусары заедуць ў Ліду, Багатырэвічы, Старыя Васілішкі, Навагрудак, возьмуць удзел ва ўрачыстасцях на Дзень сцяга 3 траўня (3 траўня ў Польшчы адзначаецца Дзень Канстытуцыі, а 2 траўня - Дзень Сцяга РП - заўв.).
Упершыню польскія гусары наведалі Гародню ў снежні 2016 года. Прыехала больш за трыццаць мужчын з даспехамі і зброяй, іх суправаджалі жанчыны, адзетыя ў строі XVI-XVII стагоддзяў. Урачыстае шэсце польскіх гасцей і лагер з рэканструктарамі ў строях выклікалі вялікую цікавасць гарадзенцаў.