У Магілёўскай вобласці праз снег абрынуўся дах на ферме з каровамі
15- 11.03.2018, 14:31
- 18,123
Унутр будынка ўпалі 180 квадратных метраў даху.
Праз снег абваліўся дах на адной з ферм у Кіраўскім раёне Магілёўскай вобласці. Пацярпелых няма, паведамляецца на сайце МНС.
Інцыдэнт адбыўся на малочна-таварнай ферме ААТ «Кіраўскі райаграпрамтэхзабяспячэнне» ў вёсцы Пацава Слабада. Пад цяжарам снегу абрынулася 180 квадратных метраў даху.
У суботу, 10 сакавіка, у Гомелі снег абрынуўся з даху катка. Пяць чалавек было дастаўлена ў бальніцу, пасля чацвярых адпусцілі. Адна жанчына застаецца пад наглядам лекараў.