У Быхаўскім раёне абрынуўся дах дома
4- 12.03.2018, 10:59
- 11,401
Мяркуецца, што праз снег.
Увечары 11 сакавіка ў вёсцы Сялец Быхаўскага раёна абрынуўся дах дома, паведамілі ў МНС. Мяркуюць, што дах не вытрымаў вагі снегу. Людзі не пацярпелі.
Ратавальнікаў выклікалі а 20.48. Гаспадары двухкватэрнага дома чакалі іх на вуліцы. Высветлілася, што дах абрынуўся цалкам, над усім домам - а гэта блізу 100 кв. м. Таксама ў адной з кватэра ў двух пакоях пашкоджанае перакрыцце на плошчы 30 кв. м.