Святлана Саханенка: На залатым забегу каманда спрацавала бездакорна

Чэмпіёнка Паралімпіяды распавяла, як партнёр па камандзе аддаў яе сваю палку наўзамен зламанай.

На залатым забегу каманда спрацавала бездакорна. Такое меркаванне выказала беларуска Святлана Саханенка пасля перамогі ў лыжнай гонцы на 15 км вольным стылем на Паралімпійскіх гульнях у катэгорыі В2 для атлетаў з парушэннямі зроку, паведамляе БелТА.

Для Святланы Саханенкі гэта ўжо другі медаль на цяперашніх Паралімпійскіх гульнях у Пхенчхане. Раней яна здабыла бронзу ў біятлоне, стаўшы трэцяй у спрынце на 6 км.

Спартоўка прызналася, што чакала складанага забегу. Падчас спаборніцтваў беларуска страціла лыжную палку і зламала яе.

«Мой партнёр па забегу аддаў мне сваю палку, а праз некалькі метраў трэнеры падалі запасную. На залатым забегу каманда спрацавала бездакорна. Вялі па дыстанцыі, падганялі. Бо ўкраінка Аксана Шышкова дадавала на дыстанцыі перад фінішам. У мяне быў запас часу, які здолела захаваць», - распавяла Святлана Саханенка.

Яна таксама падкрэсліла, што падрыхтоўка да Паралімпійскіх гульняў у Пхенчхане была сур'ёзнай. «У гэтым сезоне правялі зборы ў спарткомплексе «Раўбічы» і Польшчы, заклалі добрую функцыянальную базу перад стартамі на зімовых Гульнях», - адзначыла беларуска.

Для Святланы Саханенкі гэта ўжо другі медаль на цяперашніх Паралімпійскіх гульнях у Пхенчхане. Раней яна здабыла бронзу ў біятлоне, стаўшы трэцяй у спрынце на 6 км. Беларуская паралімпійская каманда прадоўжыць выступ на Гульнях 13 сакавіка.

На старт у гонцы на 12,5 км сярод спартоўцаў з парушэннем апорна-рухальнага апарата выступяць Яўген Лук'яненка і срэбраны прызёр Гульняў у Пхенчхане 2018 капітан каманды Дзмітрый Лобан.

У спаборніцтвах на аналагічнай дыстанцыі слабавідушчых атлетаў возьмуць удзел Васіль Шапцябой і ўладальнік дзвюх срэбных узнагарод Паралімпіяды ў Пхенчхане Юрый Голуб. У 10-кіламетровай гонцы сярод спартоўцаў з парушэннем апорна-рухальнага апарата выступіць бронзавая прызёрка цяперашняй Паралімпіяды Лідзія Графеева.