СК апублікаваў фота заваленай шахты, у якой загінулі двое рабочых

Прадаўжаецца расследаванне крымінальнай справы аб парушэнні правілаў бяспекі горных работ.

Следчы камітэт прадаўжае расследаванне крымінальнай справы аб парушэнні правілаў бяспекі горных работ, «якое пацягнула па неасцярожнасці» смерць двух чалавек у шахце «Беларуськалію» (ч.2 арт.303 Крымінальнага кодэкса Рэспублікі Беларусь). Нагадаем, у ноч з 10 на 11 сакавіка горнавыратавальнікамі былі выцягнутыя целы загінулых рабочых, гаворыцца на сайце ўстановы.

9 сакавіка 2018 года на падземным горным участку рудніка 3-й рудаўправы адбылося абрынанне пароды. Пад завал патрапілі машыніст горных выемачных машын і горнарабочы вычышчальнага забою.

- У рамках расследавання прычын і абставінаў здарэння следствам вывучаецца канфіскаваная вытворчая і тэхнічная дакументацыя, якая рэгламентуе парадак правядзення гэтых тыпаў горных работ, якая тычыцца пытанняў выкананага задання, правядзення інструктажу па тэхніцы бяспекі. Прадаўжаюцца допыты работнікаў і службовых асобаў прадпрыемства. З мэтай высвятлення дакладнай прычыны гібелі мужчын прызначаныя судова-медыцынскія экспэртызы, - паведамляюць следчыя.