Узровень інфляцыі ў Венесуэле перавысіў 6000%
7- 13.03.2018, 10:40
- 10,953
Апазіцыя абвінаваціла Мадура ў знішчэнні пенсій, заробкаў і ашчадку.
Паводле звестак парламенцкай камісіі краіны, толькі ў лютым 2018 года ўзровень інфляцыі дасягнуў 80%, а са снежня 2017 да лютага гэтага - перавысіў 231%.
Камісія фінансавай Нацыянальнай асамблеі Венесуэлы паведаміла 12 сакавіка што ўзровень назапашанай інфляцыі ў краіне з лютага 2017 да лютага 2018 года перасягнуў шэсць тысяч адсоткаў, паведамляе korrespondent.net.
У дакладзе парламенцкай камісіі адзначаецца, што толькі ў лютым гэтага года ўзровень інфляцыі дасягнуў 80%, а са снежня 2017 года да лютага гэтага - перавысіў 231%.
"Гэта канец заробкаў, выплат, пенсій і ашчадку", - напісаў у Twitter дэпутат Хасэ Гера.
Se acelera la hiperinflación. 80,0% en febrero y 6.147,1% anualizada. Esto es la destrucción del salarios, pensiones, jubilación, pensiones y el ahorro pic.twitter.com/aXR7KNEgfR
— Jose Guerra (@JoseAGuerra) 12 марта 2018 г.
Нагадаем, у пачатку лютага кіраўнік камісіі ў фінансах парламента Рафаэль Гусман паведаміў, што са студзеня 2017 года да студзеня 2018 года паказчык інфляцыі ў Венесуэле перавысіў 4000%.
Адзначым, сітуацыя ў Венесуэле набыла цяжкі характар праз дэфіцыт тавараў, імклівай інфляцыі і падзення даходаў дзяржавы. Прычынай гэтага стала зніжэнне кошту нафты і масавыя пратэсты супраць палітыкі прэзідэнта Нікаласа Мадура.
