Аляксей Слапоўскі пра «выбары» ў РФ: Шыш ім, мяне не будзе

Прыход патрэбны чыноўніцкай бандзе.

Вядомы расейскі сцэнарыст Аляксей Слапоўскі ў сваім «Фэйсбуку» заклікаў байкатаваць «выбары» ў Расеі:

- Я заўсёды ўдзельнічаў у выбарах, а калі чамусьці не мог, то было сорамна. Сёлета свядома і бессаромна не ўдзельнічаю.

Самая тая ступень маразму, якім аточаная падрыхтоўка да выбараў, паказвае, што насельніцтва, прыкормленае шматлікай чыноўніцкай бандай, пакорліва атупела і стала нахабным, а ў банды сарвала ўсе заглушкі. Прыцягваюць усіх. Маёй Агаце і іншым першакласнікам настаўніца дала наказ, каб яны бацькоў агітавалі галасаваць, бо гэта абавязак. І наіўная Агата так і сказала: вы ўжо ідзіце, усе дарослыя ідуць. Трэба. Давялося ёй тлумачыць, што выбары ёсць штука свабодная, і я маю поўнае права не хадзіць.

Прыход. Прыход патрэбны чыноўніцкай бандзе. За каго прагаласуюць, зразумела, патрэбен адсотак прыходу. Дык вось кукіш ім, мяне не будзе. Хай хоць бы на 1/146 877 088 долю будзе менш легітымнасці гэтага...Далей нечытэльнае, - напісаў Аляксей Слапоўскі.