Лондан пакідае ў дзеянні свой ультыматум Маскве

Кіраўнік брытанскага МЗС намагае на правільнасці жорсткай лініі паводзінаў Лондана з Масквой.

Лондан пакідае ў дзеянні ўльтыматум Маскве, вылучаны прэм'ер-міністаркай Злучанага Каралеўства Тэрэзай Мэй, піша «Нямецкая хваля». Калі Расея не дасць тлумачэнняў у справе пра атручэнне Сяргея Скрыпаля, «мы дамо адказ Вялікабрытаніі, і ён прагучыць ўжо заўтра», - заявіў у аўторак, 13 сакавіка, брытанскі міністр замежных спраў Барыс Джонсан. Ён паведаміў, што пазіцыя Лондана сустрэла міжнародную падтрымку. «Мяне натхніла гатоўнасць нашых сяброў прадэманстраваць нам падтрымку і салідарнасць», - заявіў Джонсан.

Прэм'ер-міністарка Тэрэза Мэй ужо абмеркавала гэтую сітуацыю з прэзідэнтам Францыі Эмануэлем Макронам, а сам Джонсан пагаварыў з міністрам замежных спраў Нямеччыны Зігмарам Габрыэлям (Sigmar Gabriel). Джонсан таксама вітаў падтрымку Вашынгтона, дзе «Рэкс Тылерсан мінулай ноччу выразна адзначыў наяўнасць агульнай карціны ўсё больш разбуральных паводзін Расеі - ад падтрымкі безразважнага прымянення хімічнай зброі ў Сірыі да вуліц брытанскага Салсберы», заявіў міністр.

Вялікабрытанія дала Расеі суткі на тое, каб праясніць сітуацыю з атручваннем Сяргея Скрыпаля і яго дачкі Юліі нервова-паралітычным рэчывам тыпу «Навічок», які распрацоўваўся ў СССР і пасля ў Расеі. У сваю чаргу кіраўнік расейскага МЗС Сяргей Лаўроў заявіў, што Масква не мае намеру адказваць на ўльтыматум Вялікабрытаніі, пакуль не атрымае доступ да матэрыялаў справы.

Нагадаем, былы расейскі выведнік Сяргей Скрыпаль і ягоная дачка Юлія 4 сакавіка былі выяўленыя без прытомнасці ў брытанскім Солсберы і знаходзяцца ў бальніцы ў крытычным стане. Следства выставіла версію атручванне нервова-паралітычным рэчывам, магчыма, расейскай вытворчасці. У 2006 годзе Скрыпаль быў асуджаны ў Расеі за шпіянаж на карысць брытанскай выведкі, а ў 2010 годзе - атрымаў прытулак у Вялікабрытаніі ў рамках абмену шпіёнамі.