У сераду будзе да +13°С

Прагноз надвор'я на найбліжэйшыя тры дні.

14 сакавіка ўмовы надвор'я на тэрыторыі Беларусі будуць вызначаць атмасферныя франты. Чакаецца воблачнае з праясненнямі. На большай частцы тэрыторыі краіны пройдуць ападкі (дождж, мокры снег), паведамляе pogoda.by.

Уначы і раніцай месцамі слабыя туман і галалёд. На асобных участках дарог галалёдзіца. Вецер паўднёвы з пераходам на заходні ўмераны. Тэмпература паветра ў начныя і ранішнія гадзіны складзе ад -3°С на ўсходзе да +5°С на захадзе. У другой палове дня тэмпература павысіцца да +1.. +7°С, на паўднёвым захадзе паветра прагрэецца да +8.. +13°С. Атмасферны ціск у Менску істотна не зменіцца.

15 сакавіка Беларусь апынецца пад уплывам франтальнага падзелу, які змяшчаецца з Балтыйскага мора, услед за якім пачнуць паступаць халодныя паветраныя масы з поўначы Еўропы. Уначы на большай частцы тэрыторыі, удзень месцамі, пераважна на паўднёвай палове рэспублікі, кароткачасовыя ападкі (дождж, які будзе пераходзіць у мокры снег). У асобных раёнах туман, слабы галалёд, на дарогах галалёдзіца. Вецер паўночны ўмераны. Тэмпература паветра на працягу дня -3... +3°С, на поўдні +4.. +6°С.

16 сакавіка рэзка пахаладае. Надвор'е, у асноўным, абумовяць халодныя паветраныя масы арктычнага паходжання, якія будуць хадзіць у перыферыі шырокага антыцыклону з цэнтрам над Швецыяй. У асобных раёнах чакаецца кароткачасовы снег, мокры снег. На дарогах галалёдзіца. Вецер паўночна-заходні парывісты. Тэмпература паветра мінімальная ўначы -2..- 8°С (на поўначы пры праясненнях -9.. -10°С), удзень -1.. -6°С, на поўдні 0.. +2°С.