Святлана Сахоненка здабыла другі залаты медаль на Паралімпіядзе
2- 14.03.2018, 9:40
- 9,062
ФОТА AP – БЕЛТА
Беларуска перамагла ў вызначальным забегу спрынту на 1,5 км класічным ходам.
Беларуска Святлана Сахоненка здабыла другі залаты медаль на XII зімовых Паралімпійскіх гульняў у Пхенчхане, паведамляе БелТА.
У вызначальным забегу спрынту на 1,5 км класічным ходам сярод слабавідушчых атлетаў разам са сваім партнёрам Раманам Яшчанка, які вёў яе па дыстанцыі, яна перасекла фінішны створ першай.
Для Святланы Сахоненкі гэта ўжо другі залаты медаль на зімовай Паралімпіядзе. Раней яна заняла першае месца ў гонцы на 15 км вольным стылем і стала бронзавай прызёркай у біятлоне на 6 км.
