Сэнатар МакКейн: Пампэа будзе служыць народу з гонарам
2- 14.03.2018, 11:53
- 9,432
Рост сусветных пагроз ЗША патрабуе надзейнага партнёрства амерыканскіх сілавікоў і дыпламатаў.
Сэнатар ад Рэспубліканскай партыі Джон МакКейн прывітаў пастанову прэзідэнта ЗША Дональда Трампа прызначыць на пасаду дзяржаўнага сакратара кіраўніка ЦРУ Майка Пампэа, паведамляе "Гордан" са спасылкай на сайт сэнатара-рэспубліканца.
"Я шмат гадоў ведаю Пампэа і думаю, што ён будзе прадаўжаць служыць нашаму народу з гонарам у якасці дзяржсакратара, калі прызначэнне будзе пацверджанае. Калі сусветны парадак імкліва саступае хаосу, для нашай краіны найважней, чым калі-небудзь, кіравацца пазіцыяй сілы на міжнароднай арэне", - заявіў сэнатар.
Ён адзначыў, што рост сусветных пагроз ЗША патрабуе надзейнага партнёрства амерыканскіх сілавікоў і дыпламатаў, і Пампэа можа справіцца з гэтай задачай у якасці дзяржсакратара.