Румас: Мы сабралі інфармацыю з розных крыніц пра новага фундатара «Крумкачоў»

Старшыня БФФ распавёў пра свае сумневы наконт інвестара клуба.

Старшыня Беларускай федэрацыі футбола Сяргей Румас адказаў на пытанне журналістаў пра новага інвестара клуба «Крумкачы» Вагу Мартырасяна, паведамляе tut.by.

- Першы намеснік старшыні федэрацыі футбола Сяргей Сафар'ян назваў новага спонсара «Крумкачоў» пустышкай, якой клуб чарговым разам хоча прыкрыцца...

- Я з ім сустракаўся, але не ставіў мэтай гэтай сустрэчы атрымаць ад яго нейкія пісьмовыя гарантыі таго, што ён будзе фінансаваць клуб. Дзяніс Шунто звярнуўся да мяне з просьбай аб сустрэчы. Я ніколі не адмаўляў ні яму, ні каму-небудзь іншаму. Я прыняў іх, паслухаў і сказаў, што пастанова будзе прынятая ў адпаведнасці з рэгламентам. Я не даваў ні яму, ні патэнцыйнаму інвестару ніякіх абяцанняў.

Паралельна мы сабралі інфармацыю з розных крыніц пра меркаванага інвестара і не знайшлі нейкіх пацверджанняў пра тое, што гэта нейкі буйны бізнэс, які можна было неяк ацаніць, - сказаў Сяргей Румас.