CNN: Трамп рыхтуе новыя прызначэнні высокапастаўленых чыноўнікаў

Названыя кандыдатуры на вядучыя дзяржаўныя пасады ў ЗША.

Амерыканскія СМІ паведамляюць, што прэзідэнт ЗША Дональд Трамп найбліжэйшым часам можа звольніць дарадцу ў нацыянальнай бяспецы Герберта Макмастэра і кіраўніка апарата Белага дома Джона Кэлі.

Пра гэта паведамляе CNN са спасылкай на свае крыніцы.

Сярод кандыдатур на замену Макмастэра разглядаюць Джона Болтана, былога пасла ЗША ў ААН, выканаўчага дырэктара кампаніі Oracle Сафру Кац, дырэктара агенцтва нацыянальнай бяспекі адмірала Майкла Роджэрса і віцэ-прэзідэнта Ford Motors, які працаваў у адміністрацыі за прэзідэнтам Бушам, Стывена Бігуна.

Паведамляецца, што Болтан сустракаўся асабіста з прэзідэнтам некалькі разоў, у тым ліку падчас сустрэчы ў Авальнай зале на мінулым тыдні.

Акрамя таго, паводле звестак дзвюх крыніц, у Трампа расце раздражненне ў дачыненні да міністра ў справах ветэранаў Давіда Шулкіна, якога ён таксама плануе адхіліць ад пасады.

Нагадаем, прэзідэнт ЗША Дональд Трамп звольніў дзяржаўнага сакратара Рэкса Тылерсана і прапанаваў замяніць яго дырэктарам ЦРУ Майкам Пампэа. Намеснік былога дзяржаўнага сакратара ЗША Рэкса Тылерсана Стыў Голдштэйн таксама быў звольнены.

Камітэт Сената ЗША ў замежных справах у красавіку разгледзіць кандыдатуру Пампэа.