Мэй: Я выкарыстаю ўсе магчымасці, каб раскрыць крыніцы багацця расейскай верхавіны
27- 14.03.2018, 17:32
- 45,351
Гэтыя ж метады могуць быць выкарыстаныя і ў дачыненні асабіста Пуціна.
Пра гэта заявіла сёння ў парламенце прэм'ер-міністр Вялікай Брытаніі Тэрэза Мэй падчас абвяшчэння пераліку захадаў супраць Расеі ў сувязі з атручваннем у Солсберы былога выведчыка Сяргея Скрыпаля.
Падчас дэбатаў адзін з парламентарыяў нагадаў Мэй пра словы «адважнага лідара апазіцыі Аляксея Навальнага, які сказаў, што Вялікай Брытаніі варта выкарыстоўваць свае судовыя інструменты ў дачыненні да расейскіх алігархаў, уключаючы Алішэра Усманава і Шувалава?».
Прэм'ер-міністр паабяцала выкарыстоўваць усе інструменты ў яе распараджэнні, раскрыць крыніцы багаццяў карумпаванай расейскай верхавіны.
Такі падыход закране і асабіста Уладзіміра Пуціна, заявіла Мэй падчас адказу на пытанне іншага парламентарыя аб тым, ці будзе Брытанія намагаць на тым, каб Пуцін раскрыў крыніцы свайго дабрабыту. «Мы будзем выкарыстоўваць усе рэсурсы і кіравацца вяршэнствам закона», - запэўніла прэм'ер-міністр.
Парламент Брытаніі таксама прапанаваў стварыць спецыяльны рэестр нерухомай маёмасці і падвысіць празрыстасць камерцыйных кампаній у Злучаным Каралеўстве.