МЗС Нямеччыны: «Выбары» ў анэксаваным Крыме непрымальныя
3- 19.03.2018, 11:41
- 8,212
Хайка Маас зрабіў заяву на пасяджэнні міністраў замежных спраў ЕЗ у Брусэлі.
Новы кіраўнік МЗС Нямеччыны Хайка Маас мяркуе за непрымальныя выбары прэзідэнта РФ у акупаваным Крыме і асуджае спробы легітымацыі анэксіі. Пра гэта ён заявіў перад пачаткам пасяджэння міністраў замежных спраў ЕЗ у Брусэлі, паведамляе segodnya.ua.
Са слоў Мааса, «вынік выбараў у Расеі не здзіўляе, гэтак жа, як і абставіны, пры якіх адбываліся выбары».
Маас асабліва падкрэсліў непрымальнасць правядзення выбараў на акупаванай тэрыторыі Украіны.
«Той факт, што гэтыя выбары адбыліся ў Крыме, анэксаваным насуперак міжнароднаму праву, з нашага пункту гледжання непрымальны», - падкрэсліў кіраўнік нямецкага МЗС, дадаўшы, што Нямеччына не падтрымлівае дзеянняў у легітымацыі анэксіі паўвострава.
Маас таксама падкрэсліў, што ў сувязі з гэтым Расея застанецца складаным партнёрам. У той жа час супрацоўніцтва з РФ з'яўляецца неабходным для развязання буйных міжнародных канфліктаў, кажа міністр. «Разам з тым ад Расеі чакаецца канструктыўны ўнёсак», - адзначыў ён.
Кіраўнік нямецкай дыпламатыі таксама паведаміў, што на пасяджэнні міністраў будзе абмяркоўвацца ўкраінскае пытанне.
«Мы падтрымліваем украінскі ўрад і патрабуем ад яго працягу працэсу рэформаў», - адзначыў міністр.
Нагадаем, выбары прэзідэнта Расейскай Федэрацыі, якія ва Украіне прызнаныя нелегітымнымі, адбыліся 18 сакавіка.