28 сакавiка 2024, Чацвер, 17:52
Падтрымайце
сайт
Сім сім,
Хартыя 97!
Рубрыкі

За што ўзнагароджвалі «Оскарам» 65 гадоў таму

1
За што ўзнагароджвалі «Оскарам» 65 гадоў таму

Хто натхніў Стывена Спілберга стаць тым, кім ён ёсць цяпер.

19 сакавіка 1953 года ўпершыню тэлерадыёкампанія NBC ажыццявіла тэлевізійную трансляцыю цырымоніі ўручэння прэміі Амерыканскай кінаакадэміі «Оскар» на ЗША і Канаду, піша «Витебский курьер».

Тады найлепшым стаў фільм «Найвялікшае шоў свету» рэжысёра Сесіла Б. ДэмМіля. У ім ідзе аповед пра самае гіганцкае перасоўнае цыркавое шоў на планеце, у якім удзельнічалі адначасова больш за дзве тысячы чалавек, актораў і асістэнтаў. Усё грандыёзнае відовішча размяшчалася пад велізарным нацяжным шатром адначасова на трох арэнах і ўбірала тысячы гледачоў. Небывалая колькасць дзікіх жывёл, дэкарацый і тэхнічных сродкаў перавозілася ва ўсёй Амерыцы адмысловымі чыгуначнымі саставамі.

Гэтая кінастужка атрымала яшчэ «Оскар» за найлепшы сцэнар гульнявога фільма.

Імя Сесіла Б. ДэмМіля звязваюць з галівудскімі суперпастаноўкамі. Ягоны фільм «Дзесяць запаведзяў», маштабная відовішчная кінастужка пра зыход габрэяў з Егіпта, знаходзіцца на пятым месцы ў касавых зборах за ўсю гісторыю амерыканскага кіно.

«Найвялікшае шоў свету» быў першым фільмам, які ўбачыў рэжысёр і прадусар Стывен Спілберг. Ён называе гэтую стужку адным з галоўных натхненняў, якія прывялі яго да працы ў кінаіндустрыі.

Прэмія за найлепшую мужчынскую ролю дасталася легендарнаму галівудскаму актору Гэры Куперу (вестэрн «Роўна апоўдні»). Гэта быў для яго ўжо другі «Оскар», у 1942 году Гэры Купер быў узнагароджаны за ролю ў фільме «Сяржант Ёрк». Усяго ў ягоным паслужным спісе больш за сто роляў. У 1961 году актор атрымаў яшчэ аднаго, ганаровага «Оскара», калі ўжо быў невылечна хворы.

Найлепшая жаночая роля ў Шырлі Бут (сямейная драма «Вярніся, малы Шэба»). Акторцы ўдаўся вобраз надакучлівай, але клапатлівай Лолы, якая цяжка перажывае пакуты свайго каханага мужа, а таксама страту свайго сабачкі Шэбы. Партнёрам у фільме у Бут быў вядомы актор Берт Ланкастэр.

Шырлі Бут - тэатральная акторка. У кіно выконвала ролі другога плана (напрыклад, у вядомым фільме «Філадэльфійская гісторыя», 1940), таму больш значныя ролі сыходзілі да яе больш маладой праціўніцы - Кэтрын Хепбёрн. Каб спаборнічаць з ёй нароўні, яна нават збавіла свой узрост на дзесяць гадоў. Калі ёй упершыню выпала выканаць галоўную ролю ў галівудскім фільме, Бут было ўжо 54 гады. Атрыманне «Оскара» ў такім узросце было ў тыя гады выключным з'явай.

Найлепшы рэжысёр - Джон Форд, фільм «Ціхі чалавек». Амерыканскі баксёр Шон Торнтан вяртаецца да сябе на радзіму ў Ірландыю, дзе кахае цудоўную дзяўчыну. Але яму даводзіцца змагацца за сваё каханне, у тым ліку і ўжываючы баксёрскія навыкі.

Джон Форд - адзіны ў гісторыі ўладальнік чатырох «Оскараў» за найлепшую рэжысуру.

1936 - «Інфарматар»;

1941 - «Гронкі гневу»;

1942 - «Як зялёная была мая даліна»;

1953 - «Ціхі чалавек».

Больш за ўсё «Оскараў», пяць, сабрала драма «Злыя і прыгожыя» рэжысёра Вінцэнта Міннеллі. У галоўных ролях здымаліся Лана Тэрнер і Кірк Дуглас. Гэта гісторыя ўзлёту і падзення галівудскага прадзюсара.

1. Лепшая жаночая роля другога плана (Глорыя Грэм).

2. Лепшы адаптаваны сцэнар.

3. Лепшая праца аператара (чорна-белыя фільмы).

4. Лепшая праца мастака (чорна-белыя фільмы).

5. Лепшая праца мастака па касцюмах (чорна-белыя фільмы).

Напісаць каментар 1

Таксама сачыце за акаўнтамі Charter97.org у сацыяльных сетках